Cfarë ajri thith une?

Zbatues

Fondacioni “ Milieukontakt Shqipëri”

Përshkrimi

Tirana, qyteti më i madh në Shqipëri, përballet me ndotjen më serioze të ajrit. Trafiku rrugor është burimi kryesor i ndotjes, të cilit i shtohet edhe aktiviteti i ndërtimit. Qëllimi kryesor i projektit është të ofrojë një përmbledhje të detajuar dhe të besueshme të ndotjes së ajrit në Tiranë dhe të inkurajojë veprime të informuara për përmirësimin e cilësisë së ajrit dhe shëndetit publik. Kjo do të arrihet përmes:
Matja dhe monitorimi sistematik i niveleve të ndotjes së ajrit për parametrat PM2.5 dhe PM10 në kushte dhe vendndodhje të ndryshme në Tiranë duke përdorur pajisjen Aeroqual të kombinuar me AQAir.
Publikimi dhe shpërndarja e të dhënave të mbledhura për publikun, qeverinë lokale dhe politikëbërësit për të rritur ndërgjegjësimin dhe për të informuar vendimmarrjen.
Vlerësimi i Ndikimit në Shëndet: Bashkëpunimi me institucionet përkatëse për të vlerësuar ndikimin e ndotjes së ajrit në shëndetin e qytetarëve të Tiranës, duke përdorur të dhëna të cilësisë së ajrit dhe statistika shëndetësore.
Ndërgjegjësimi dhe Edukimi Publik: Rritja e ndërgjegjësimit dhe edukimi i publikut mbi rreziqet shëndetësore të ndotjes së ajrit dhe promovimi i praktikave më të mira për të reduktuar ndotjen.