DigiFin për Vajzat

Zbatues

QENDRA PER INOVACION DHE FINANCA TE QENDRUESHME

Përshkrimi

Projekti “DigiFin për Vajzat” synon të fuqizojë vajzat e Qendrës Rinore Venerini dhe Shtëpisë Rozalba duke u ofruar trajnime në financat personale dhe aftësi digjitale, me qëllim që t’i ndihmojë ato të zhvillojnë kompetenca kyçe për suksesin e tyre personal dhe profesional. Në një botë ku teknologjia dhe menaxhimi i financave janë të domosdoshme, këto vajza përballen me sfida si mungesa e njohurive për menaxhimin e parave dhe aftësive digjitale, që i bën më të ekspozuara ndaj vështirësive ekonomike. Ky projekt adreson këto boshllëqe duke i pajisur vajzat me njohuritë e duhura për të menaxhuar më mirë të ardhurat e tyre dhe për të përdorur teknologjinë në mënyrë të sigurtë dhe efikase.
“DigiFin për Vajzat” synon gjithashtu të ulë pabarazitë gjinore duke krijuar më shumë mundësi për vajzat që të zhvillojnë aftësi në fushat e financave dhe teknologjisë. Me fokus të veçantë në edukimin për menaxhimin e financave personale dhe përdorimin e teknologjisë, ky projekt krijon një bazë të fortë për pavarësinë e tyre financiare dhe rritjen e vetëbesimit. Duke i pajisur me aftësi të dobishme për të ardhmen, vajzat mund të shfrytëzojnë më mirë mundësitë dhe të mbrojnë veten nga rreziqet financiare si mashtrimet dhe vështirësitë ekonomike