Edukim dhe Punësim për të Tejkaluar Varfërinë dhe Stigmatizimin. Krijimi i Akademisë Profesionale për të Rinjtë Romë

Zbatues

Instituti i Kulturës Rome në Shqipëri (IRCA)

Përshkrimi

Zbutja e varfërisë te të rinjtë Rom përmes aftësimit dhe punësimit:” Një thirrje për shpresë dhe solidaritet”.

Të rikthejmë shpresën për një minoritet të rëndësishëm të shoqërisë shqiptare që përballet çdo ditë me sfida të mëdha si papunësia, diskriminimi dhe përjashtimi social. Ky mision kërkon përkushtim dhe mbështetje nga të gjithë ne.

Instituti i Kulturës Rome në Shqipëri ka ndërmarrë një nismë të guximshme për të fuqizuar 50 të rinj Rom përmes aftësimit profesional, për të mundësuar punësimin e 30 prej tyre dhe për të mbështetur 10 të tjerë në krijimin dhe formalizimin e startupeve të tyre.

Kjo iniciativë shkon përtej ndihmës momentale: ajo synon integrimin e plotë ekonomik dhe social të familjeve rome, duke ndërtuar ura bashkëpunimi dhe duke promovuar bashkëjetesën mes komuniteteve tona.

Çdo kontribut i juaji është një investim në një të ardhme më të mirë. Bashkohuni me ne në këtë rrugëtim transformues! Ndihmoni në krijimin e mundësive për të rinjtë Rom duke dhuruar në Smile.al.

Së bashku, mund të bëjmë ndryshimin!