Klubi Letrar

Zbatues

Fondacioni Credins

Përshkrimi

Grupi “Klubi Letrar”, pranë Institutit të të Miturve, Kavajë, ka nisur një iniciativë me qëllim përmirësimin e kushteve të bibliotekës pranë këtij institucioni. Ky projekt ka si objektiv kryesor pasurimin e bibliotekës me tituj të rinj dhe të përshtatshëm për moshën dhe interesat e të rinjve, duke shtuar rafte të reja, pupa për t’u ulur (bean bags), boks i vogël muzikor, llampa qetësuese për lexim dhe materiale shkrimi. Ky projekt synon të zëvendësojë librat që janë të vjetruar, keqpërdorur dhe mungesën e një ambienti ku të rinjtë mund të lexojnë vetë ose ti lexojnë shokëve të tyre që kanë vështirësi në lexim.

Hapësira që të rinjtë ëndërrojnë të krijojë, është një hapësirë që inkurajon leximin dhe zhvillimin e imagjinatës, duke ofruar mundësi për reflektim dhe rritje intelektuale. Pjesë e këtij projekti është gjithashtu krijimi i një klubi libri, ku të rinjtë mund të diskutojnë dhe të ndajnë mendimet e tyre mbi librat që lexojnë, si dhe të krijojnë një kulturë leximi që ndihmon në formimin e shprehitë pozitive dhe mendësisë kritike. Ky model ka si qëllim të ofrojë një ambient relaksues dhe stimuluese, që do të ndikojë në zhvillimin personal dhe social të të rinjve në konflikt me ligjin. Duke pasuruar mundësitë për angazhim në aktivitete edukative, projekti synon të kontribuojë në rehabilitimin dhe riintegrimin e tyre në shoqëri. Biblioteka do të bëhet një vend ku të rinjtë mund të arrijnë mundësi të reja për të mësuar dhe për të ndërtuar një identitet pozitiv, larg sjelljeve të dëmshme. Kjo nismë është një hap i rëndësishëm në përdorimin e edukatës dhe kulturës dhe për të ofruar mundësi të reja për të rinjtë, duke i inkurajuar ata të shfrytëzojnë mundësitë për zhvillim dhe rritje personale.