Zbatues

Rotari Club Tirana

Përshkrimi

Me anë të kësaj nisme, do të ndërmerret krijimi i një laboratori të mirëfilltë për lëndët Biologji dhe Kimi, për shkollën 9-vjeçare “Koto Hoxhi”. Në këtë mënyrë, krijohet një mundësi reale dhe hapen horizonte të reja të dijes për nxënësit e kësaj shkolle, duke i përgatitur ata për një karrierë të sigurt dhe premtuese në kërkimin shkencor të niveleve më të larta.
Duke përkrahur dhe përgatitur këto mendje të reja të ndritura dhe talente unike të moshës 10-15 vjeçare, u japim mundësi nxënësve të talentuar të fitojnë njohuri praktike që do t’u shërbejnë për formimin e tyre të përgjithshëm. Gjithashtu, kjo nismë do të nxisë dhe rrisë interesin e nxënësve për këto shkenca, të cilat janë në zhvillim të vazhdueshëm.
Do të vlerësojmë shumë çdo kontribut tuajin që do të ndihmonte në realizimin e kësaj nisme për krijimin e laboratorit të biologjisë dhe kimisë pranë shkollës 9-vjeçare “Koto Hoxhi”. Ky laborator përbën një të drejtë të fëmijëve të kësaj shkolle për të pasuruar dijet e tyre në mënyrë praktike, si dhe është një detyrim i yni ndaj brezit të ri, për t’u ofruar mundësinë për të përfituar në mënyrë të plotë nga dijet që ofrohen në arsimin e detyrueshëm.