Ndihmë financiare për tërmetin në Turqi

Zbatues

Caritas Shqiptar

Përshkrimi

Në datën 06 Shkurt 2023, Turqia u prek nga një seri tërmetesh nga më të fuqishmit që kanë prekur rajonin përgjatë 100 viteve duke shkaktuar qindra të vdekur dhe të plagosur. Mijëra persona janë nën rrënoja të objekteve të shkatërruara.

Caritas Shqiptar po lançon këtë iniciativë kombëtare për të mbështetur familjet e prekura, duke ftuar shqiptarët në Shqipëri dhe në botë të soliarizohemi të gjithë bashkë dhe të dhurojmë direkt në platformën Smile.

Fondet do ti dhurohen Konfederatës Caritas Internationalis, e cila po operon në Turqi në ndihmë të kësaj situate të vështirë që po kalon vendi. Këto fonde do të pëdoren për nevoja prioritare të familjeve dhe fëmijëve të prekur nga tërmeti të cilët kanë humbur banesat duke qenë në mes të të ftohtit ne temperatura mjaft të ulëta. Ata kanë nevoja emergjente për strehim, ushqime, veshje, ndihmë mjekësore etj.

Ju lutemi të kontribuojmë të gjithë bashkë sot për këtë kauzë kaq emergjente duke i ardhur në ndihmë të gjithë atyre që sot kanë kaq shumë nevojë për solidaritetin tonë. Mendimet dhe zemrat tona janë sot pranë të gjithë atyre që janë prekur nga kjo tragjedi.