Ojf zbatuese- Kryqi I Kuq Shqiptar
“Shëndeti nuk është gjithçka, por pa shëndetin gjithçka është asgjë” ishin fjalët përmbyllëse të trajnimit teorik e praktik për mësuesit e edukimit fizik nga shkollat 9 vjeçare të disa qyteteve të Shqipërise, organizuar nga Kryqi i Kuq Shqiptar në kuadër të projektit “Fëmijë aktivë, fëmijë të shëndetshëm”.
Ky projekt i bukur u realizua falë donacioneve tuaja në platformën Smile.al, tashmë e dashur për mbarë publikun.
Pjesëmarrësit nga Korça, Kavaja, Pogradeci, Gramshi, Dibra, Lushnja, Laçi, Kuçova, Elbasani, Lezha, Librazhdi, Tirana, Shkodra, Shijaku etj, morën njohuri specifike në zgjerimin e mënyrave të trajnimit të nxënësve për t’u mësuar një rutinë më të shëndetshme larg jetës sedentare e për të edukuar kështu një brez të ri më të ndërgjegjshëm rreth rëndësisë së aktivitetit fizik në përditshmëri.
Dëshirojmë të falenderojmë stafin e KKSH dhe prof. Rauf Dimraj për përkushtimin dhe atmosferën pozitive e plot energji që përcollën tek të gjithë ne.
Misioni ynë i bukur vazhdon.
Dhuro në Smile.al
