Fëmijë aktivë, fëmijë të shëndetshëm

Zbatues

Kryqi i Kuq Shqiptar

Përshkrimi

Lëvizja fizike, loja, sporti, janë nga pasuritë më të çmuara që ka njerëzimi. Sedentariteti, rënia dramatike e efiçencës fizike për shëndetin e rinisë është kthyer në një problem shqetësues në vendin tonë. Sedentariteti po shkakton sëmundjet e obezitetit, mbitensionit dhe hiperkolesterolemisë së lartë. Kërkimet dhe studimet shkencore kanë konkluduar se rreziku që shkakton sedentariteti është i ngjashëm me rrezikun që shkaktohet nga shumatorja e tre faktorëve të tjerë të rrezikut parësor: Rreziku nga sedentariteti = Rreziku i hipertensionit + rreziku i hiperkolesterolemisë + rreziku duhanit.

Sa më sipër Kryqi i Kuq Shqiptar në bashkëpunim me ekspertë të Federatës Shqiptare të Sportit Shkollor, propozon ngritjen e projektit “Kualifikimi teorik dhe praktik i mësuesve të lëndës së edukimit fizik të shkollave të vendit”. Qëllimi i projektit është të kontribuojë në uljen e sedentaritetit dhe përmirësimin e aktivizimit fiziko-lëvizor të të rinjve, duke ndihmuar në zhvillimin e një fiziku të shëndetshëm. Në këtë formë rrisim ndërgjegjësimin e publikut për adresimin e çështjeve që kanë të bëjnë me aktivitetin fizik dhe fokusohemi te përfitimet fizike, shëndetësore, emocionale nga zbatimi i projektit. Objektivi i përgjithshëm i këtij projekti është të kontribuojë në aftësimin e 20 mësuesve të edukimit fizik në fushën e organizimit, drejtimit dhe zhvillimit shkencor të lëndës së edukimit fizik për nxënësit e arsimit parauniversitar shqiptar për një rritje fizike më të shëndetshm dhe mbështesim masivizimin e 1.000 mjeteve didaktike “Të rritemi të shëndetshëm”.