“Më jep një shans të të tregoj talentin tim!”

Zbatues

Act Think Center

Përshkrimi

“Më jep një shans të të tregoj talentin tim!” është një nismë, e cila synon krijimin e klasës së artit pamor në shkollën 9-vjeçare të fshatit Zvezdë në Bashkinë e Maliqit. Nxënësit e talentuar të kësaj shkolle do të kenë mundësi që përmes mjeteve që do të sigurohen nga kjo nismë të zhvillojnë talentin e tyre në artin pamor në mënyrë profesionale jo vetëm përgjatë procesit mësimor por edhe jashtë tij. Të ndodhur në një zonë rurale me akses të kufizuar në shërbime, të rinjtë e Zvezdës kërkojnë mbështetjen tuaj për sigurimin e materialeve, si: pëlhura, bojëra, penela dhe stenda, etj. me një fond prej 581,780 lekësh me qëllim që ata të kenë mundësi të tregojnë talentin e tyre dhe ta zhvillojnë më tej atë. Evidentimi i artistëve të rinj të kësaj fushe, mentorimi nga profesionistë për të kultivuar më tepër talentin si dhe promovimi i tyre nga organizata “Act Think Center” në palët e treta janë gjithashtu objektiva të nismës që do t’u japin nxënësve një shans për të shkëlqyer artistikisht. Për më tepër, do të gjallërohet edhe jeta artistike në komunitet. Me jep një shans, dhuro tani!