Boccia Albania

Zbatues

Qendra per edukim dhe sport skills

Përshkrimi

Projekti “Boccia Albania” do të jetë një risi për vendin tonë. Kampionati i Boccia do të vijë si një pilotim i parë në qarkun e Elbasanit që në vitet në vazhdim të bëhet pjesë integrale e programeve të Ministries së Arsimit, Sportit dhe Rinisë. Ky kampionat synon të integrojë dhe të fuqizojë me aftesi të përqendrimit, prezicionit dhe të fokusimit të rinjtë me aftësi ndryshe. Loja e Boccia është një sport paralimpik I cili është dizenjuar për t’u luajtur nga personat me aftesi ndryshe. Boccia do të jetë një kampionat inovativ duke ardhur edhe si një menyrë advokimi për përfshirjen e personave me aftësi ndyshe në sport. Çdo bashki në qark do të ketë përfaqësimin e saj. Kampionati është konceptuar për t’u luajtur në grupe dhe individualisht. Projekti synon të adresojë një problematikë sociale sikundër është ajo e gjithëpërfshirjes së personave me aftësi ndryshe në aktivitete sportive. Projekti vjen jo vetëm si një advokim dhe ndërgjegjësim për institucionet por edhe si një shembull/ menyrë për integrimin dhe rritjen e aftësive për target grupin e synuar. Ai është një ndërthurrje e ofrimit të shërbimeve, ndërgjegjësimit, por edhe argëtimit.