Dhuro dhe Festo!

Zbatues

Fondacioni World Vision Albania

Përshkrimi

Të gjithë së bashku për një ditëlindje!

Projekti “Dhuro dhe Festo” synon të sjellë gëzim në jetët e dhjetë vogëlushëve nga komunitetet më në nevojë në zonat ku World Vision Albania punon, të cilët kanë humbur njërin nga prindërit. Secilit prej fëmijëve do t’u organizohet një festë surprizë për ditëlindje me pjesëmarrjen e miqve, të afërmve dhe përmes kontributit tënd bujar. Je i/e ftuar në një ditëlindje për të sjellë gëzim dhe për të rikthyer një buzëqeshje! Fëmijët vijnë nga komunitetet më në nevojë në zonën e Tiranës, Durrësit e Shkodrës dhe disa prej tyre nuk kanë pasur asnjëherë mundësi të festojnë ditëlindjen me miqtë. Me ndihmën e të rinjtë të grupeve IMPACT do të organizojmë festat e ditëlindjeve për vogëlushët, duke siguruar edhe dhurata për secilin prej tyre.

Për një impakt më kuptimplotë në jetën e fëmijëve, ata do të jenë pjesë e programeve të World Vision Albania, për të përmbushur kështu nevojat specifike që ata kanë për edukim, ushqim, veshje apo për mirëqenien psiko-sociale. Vogëlushët do të përfshihen përgjatë gjithë vitit në aktivitete psiko-sociale dhe sportive, për një jetë në plotësi.